14

ന്യൂ​യോ​ർ​ക്ക്: യു​എ​സ് ഓ​പ്പ​ൺ പു​രു​ഷ സിം​ഗി​ൾ​സ് കി​രീ​ടം ജ​ർ​മ​നി​യു​ടെ അ​ല​ക്സാ​ണ്ട​ർ സ്വ​രേ​വി​ന്. ക​ലാ​ശ​പ്പോ​രി​ൽ അ​മേ​രി​ക്ക​യു​ടെ ബെ​ൻ ഷെ​ൽ​ട്ട​നെ 6-3, 7-6, 5-7, 6-2 എ​ന്ന സ്കോ​റി​ന് കീ​ഴ​ട​ക്കി​യാ​ണ് സ്വ​രേ​വ് കി​രീ​ടം സ്വ​ന്ത​മാ​ക്കി​യ​ത്. മൂ​ന്ന​ര മ​ണി​ക്കൂ​ർ നീ​ണ്ട പോ​രാ​ട്ട​ത്തി​നൊ​ടു​വി​ലാ​ണ് ഷെ​ൽ​ട്ട​നെ ജ​ർ​മ​ൻ താ​രം കീ​ഴ​ട​ക്കി​യ​ത്.

ആ​ദ്യ ര​ണ്ട് സെ​റ്റു​ക​ളും സ്വ​ന്ത​മാ​ക്കി സ്വ​രേ​വ് മ​ത്സ​ര​ത്തി​ൽ വ്യ​ക്ത​മാ​യ ആ​ധി​പ​ത്യം സ്ഥാ​പി​ച്ചു. എ​ന്നാ​ൽ മൂ​ന്നാം സെ​റ്റി​ൽ ശ​ക്ത​മാ​യി തി​രി​ച്ചെ​ത്തി​യ ഷെ​ൽ​ട്ട​ൻ മ​ത്സ​രം ആ​വേ​ശ​ക​ര​മാ​ക്കി. 5-7ന് ​മൂ​ന്നാം സെ​റ്റ് ന​ഷ്ട​പ്പെ​ട്ട​തോ​ടെ സ്വ​രേ​വി​ന് മേ​ൽ സ​മ്മ​ർ​ദ​മേ​റി​യെ​ങ്കി​ലും നി​ർ​ണാ​യ​ക​മാ​യ നാ​ലാം സെ​റ്റി​ൽ ജ​ർ​മ​ൻ താ​രം ത​ന്‍റെ മി​ക​വ് പു​റ​ത്തെ​ടു​ത്തു.

തു​ട​ക്കം മു​ത​ൽ ആ​ക്ര​മ​ണാ​ത്മ​ക​മാ​യ പ്ര​ക​ട​നം പു​റ​ത്തെ​ടു​ത്ത സ്വ​രേ​വ് നാ​ലാം സെ​റ്റ് 6-2ന് ​സ്വ​ന്ത​മാ​ക്കി. ഇ​തോ​ടെ ത​ന്‍റെ ആ​ദ്യ യു​എ​സ് ഓ​പ്പ​ൺ കി​രീ​ട​വും ക​രി​യ​റി​ലെ ര​ണ്ടാം ഗ്രാ​ൻ​ഡ് സ്ലാം ​കി​രീ​ട​വും സ്വ​ന്തം പേ​രി​ലാ​ക്കി. 2020ലെ ​യു​എ​സ് ഓ​പ്പ​ൺ ഫൈ​ന​ലി​ൽ ഡൊ​മി​നി​ക് തീ​മി​നോ​ട് പ​രാ​ജ​യ​പ്പെ​ട്ട സ്വ​രേ​വി​ന് ആ​റു​വ​ർ​ഷ​ത്തി​ന് ശേ​ഷ​മാ​ണ് ന്യൂ​യോ​ർ​ക്കി​ൽ കി​രീ​ട​മു​യ​ർ​ത്താ​നാ​യ​ത്.